Ստեփանավանցի երիտասարդները ձեռք բերեցին ծրագրեր մշակելու և կառավարելու հմտություններ
«ԿԱՄՔ» Լոռվա երիտասարդական ծրագրերի կենտրոն հասարակական կազմակերպությունը ՀՀ սպորտի և երիտասարդության հարցերի նախարարության աջակցությամբ 2019թ. ապրիլին Լոռու մարզի Ստեփանավան համայնքում իրականացրեց «Ծրագրի մշակման և կառավարման հմտություններ» ծրագիրը, որի նպատակն է՝ ծրագիր մշակելու և կառավարելու հմտությունների զարգացման միջոցով նպաստել շահառու
երիտասարդների անհատական ու սոցիալական զարգացմանը, նրանց ակտիվ
քաղաքացիությանն ու մասնակցությանը համայնքային կյանքին ծրագրերի մշակման ու իրականացման միջոցով: Ծրագիրը նպատակ ունի նպաստելու շահառու երիտասարդների զբաղվածության խնդրի մեղմացմանը, նրանց առաջնորդության հմտությունների զարգացմանը:
Ծրագրի շրջանակում ապրիլի 12-16-ը Ստեփանավանում անցկացվեց հնգօրյա դասընթաց, որին մասնակցում էին 25 երիտասարդ Ստեփանավանից և հարակից խոշորացված համայնքներից:
Նախքան դասընթացն սկսելը կատարվեց մասնակիցների՝ թեմայի վերաբերյալ գիտելիքների գնահատում, որից հետո դասընթացավարներ Արշավիր Ղուկասյանն ու Նազելի Ավագյանը, համադրելով կրթության ֆորմալ և ոչ ֆորմալ մեթոդները՝ տեսական դասախոսություններն ու գործնական վարժությունները, թիմային ու անհատական աշխատանքները, ծրագրի շահառու երիտասարդներին հաղորդակից դարձրեցին ծրագրերի մշակման ու կառավարման հմտություններին:
Նախքան դասընթացն սկսելը կատարվեց մասնակիցների՝ թեմայի վերաբերյալ գիտելիքների գնահատում, որից հետո դասընթացավարներ Արշավիր Ղուկասյանն ու Նազելի Ավագյանը, համադրելով կրթության ֆորմալ և ոչ ֆորմալ մեթոդները՝ տեսական դասախոսություններն ու գործնական վարժությունները, թիմային ու անհատական աշխատանքները, ծրագրի շահառու երիտասարդներին հաղորդակից դարձրեցին ծրագրերի մշակման ու կառավարման հմտություններին:
Դասընթացի մասնակիցները ծանոթացան ծրագրային ցիկլի կառավարման
հիմնական փուլերին՝ կարիքի բացահայտում, ծրագրային առաջարկի ձևակերպում, ծրագրի իրականացում,
գնահատում և աուդիտ: Նրանք կատարեցին համայնքի կարիքների բացահայտում և գնահատում,
ապա ըստ համայնքային կարիքների լուծմանը միտված
ընդհանուր գաղափարների՝ երիտասարդները միավորվեցին
երեք խմբերում՝ մշակելով համայնքի խնդիրների լուծմանը միտված ծրագրեր՝
- «Ներգնա տուրիզմի խթանում Ստեփանավանի տարածաշրջանում պատմամշակութային հուշարձանների պահպանման և հանրայնացման միջոցով»,
- «Երիտասարդական միջհամայնքային ֆուտբոլային մրցաշար Ստեփանավանի տարածաշրջանում»,
- «Օգնենք իրար» ծրագրերը:
- Թիմերով աշխատելով վերոնշյալ ծրագրային առաջարկների մշակման վրա՝ երիտասարդները գործնականում սովորեցին հստակ ձևակերպել ծրագրի հիմնախնդիրը, նպատակը, խնդիրները, պլանավորեցին ծրագրային գործողությունները՝ դրանք ըստ տրամաբանական հաջորդականության ներկայացնելով Գանտի աղյուսակի միջոցով: Նրանք հաշվարկեցին նաև իրենց ծրագրերի իրականացման համար անհրաժեշտ մարդկային և նյութական ռեսուրսների ապահովման ծախսերը՝ կազմելով ծրագրերի նախնական բյուջեները: Այնուհետև դասընթացի մասնակիցները հաղորդակից դարձան ծրագրերի գնահատման և վերահսկման մեթոդներին, կատարեցին SWOT (ՈւԹՀՍ) վերլուծություն, ապա փորձեցին գնահատել իրենց մշակած ծրագրերի ազդեցությունը ծրագրի ուղղակի և անուղղակի շահառուների վրա՝ կարևորելով ծրագրերի արդյունքների տարածումը, շարունակականությունն ու կայունության ապահովումը:
Ծրագրեր մշակելու և կառավարելու
հմտությունները յուրացնելուց և գործնականում կիրառելուց հետո, շահառու երիտասարդները
ձեռք բերեցին գիտելիքներ ֆոնդահայթայթման վերաբերյալ, ծանոթացան ֆոնդահայթայթման ռազմավարությանն
ու հիմնական աղբյուրներին:
Նրանց ուշադրությանը ներկայացվեց նաև Հայաստանի Հանրապետության սպորտի և երիտասարդության
հարցերի նախարարության դրամաշնորհային համակարգը, դրա առանձնահատկություններն ու դիմելու
կարգը:
Դասընթացի ավարտին կատարվեց երիտասարդների մշակած ծրագրերի շնորհանդես, որին ներկա էին
նաև Ստեփանավանի քաղաքապետ Միքայել Ղարաքեշիշյանը, քաղաքապետի խորհրդական Լևոն Քալանթարյանը
և օգնական Նարեկ Այվազյանը: Երիտասարդների մշակված ծրագրային առաջարկներն արժանացան Ստեփանավանի
քաղաքային իշխանությունների հավանությանը և
ներկայացված ծրագրային առաջարկներից «Օգնենք իրար» ծրագիրը, որը նախատեսում է երիտասարդների միջոցով համայնքի համեմատաբար ապահով ընտանիքներից հավաքագրել հագուստ ու կենցաղային իրեր՝ դրանք հատկացնելով համայնքի անապահով ընտանիքներին, առաջիկայում Ստեփանավանի քաղաքապետարանի աջակցությամբ կյանքի կկոչվի:
Քաղաքապետարանը պատրաստակամ է ծրագրի իրականացման համար տրամադրել տարածք, աջակցել երիտասարդներին կազմակերպչական մի շարք հարցերում:
ներկայացված ծրագրային առաջարկներից «Օգնենք իրար» ծրագիրը, որը նախատեսում է երիտասարդների միջոցով համայնքի համեմատաբար ապահով ընտանիքներից հավաքագրել հագուստ ու կենցաղային իրեր՝ դրանք հատկացնելով համայնքի անապահով ընտանիքներին, առաջիկայում Ստեփանավանի քաղաքապետարանի աջակցությամբ կյանքի կկոչվի:
Քաղաքապետարանը պատրաստակամ է ծրագրի իրականացման համար տրամադրել տարածք, աջակցել երիտասարդներին կազմակերպչական մի շարք հարցերում:
Դասընթացի ավարտին կատարվեց մասնակիցների գիտելիքների վերջնական գնահատում,
ապա
դասընթացը հաջողությամբ ավարտողներն արժանացան հավաստագրերի: Հարկ է նշել, որ եթե գիտելիքների
նախնական գնահատման ժամանակ 300 հարցի համար եղել էր ընդհանուր 152 ճիշտ պատասխան
(50,7%), ապա վերջնական գնահատման արդյունքում ճիշտ պատասխանների թիվը հասել էր 261-ի
(87%), ինչը բավականին տպավորիչ արդյունք է և թույլ է տալիս եզրահանգել, որ հնգօրյա
դասընթացի ընթացքում ծրագրի շահառու երիտասարդները հիմնականում կարողացել են յուրացնել
ծրագրեր մշակելու և կառավարելու հմտությունները:
Комментарии
Отправить комментарий