«ՄեդիաԿինոՍրճարանի» մասնակցության հրավեր լոռեցի կանանց և երիտասարդների համար

Լոռու մարզի Ստեփանավան, Տաշիր, Լոռի
Բերդ և Գյուլագարակ խոշորացված համայնքների սիրելի՛ բնակիչներ,
Դեկտեմբերի 21-ին և 22-ին «ԿԱՄՔ» Լոռվա երիտասարդական ծրագրերի կենտրոն» ՀԿ-ն հրավիրում է մասնակցելու «ՄեդիաԿինոՍրճարանի», որի շրջանակում կդիտեք մեդիագրագիտության վերաբերյալ ONE WORLD միջազգային հեղինակավոր կինոփառատոնին մրցանակների արժանացած փաստագրական ֆիլմեր՝ «Մեկ աշխարհ դպրոցներում» (OWIS) մեթոդաբանությամբ:

OWIS-ը մեթոդաբանությունը Հայաստանում նոր է կիրառվում և հնարավորություն կտա մասնակիցներին, հաճելի ժամանցը համատեղելով կրթության հետ, ֆիլմերի դիտում-քննարկումների և ինտերակտիվ վարժությունների միջոցով ընդամենը մի քանի ժամում ձեռք բերել 21-րդ դարում անհրաժեշտ գիտելիքներ, որոնք կօգնեն դառնալ մեդիագրագետ, չխաբվել համացանցում տարածվող զանազան մեդիախարդավանքներին:

Ֆիլմերը դիտելու հնարավորություն ունեն վերոնշյալ համայնքներից

 15-30 տարեկան երիտասարդներ,

 30 տարեկանից բարձր տարիքի կանայք:

Ֆիլմերի դիտումները և քննարկումները տեղի կունենան Ստեփանավանի մշակույթի և ժամանցի կենտրոնի փոքր դահլիճում (Ստեփան Շահումյանի տուն-թանգարան) Հասցեն՝ ք. Ստեփանավան, Գարեգին Նժդեհ 2: Նշենք, որ դահլիճը ջեռուցվելու է: Դիտում-քննարկումներն ըստ համայնքների կկազմակերպվեն հետևյալ ժամանակացույցով.

 Գյուլագարակ համայնքի բնակիչների համար - դեկտեմբերի 21-ին՝ ժամը 10:00-13:00,

 Լոռի Բերդ համայնքի բնակիչների համար -դեկտեմբերի 21-ին՝ ժամը 14:00-18:00,

 Տաշիր համայնքի բնակիչների համար-դեկտեմբերի 22-ին՝ ժամը 10:00-13:00,

 Ստեփանավան համայնքի բնակիչների համար- դեկտեմբերի 22-ին՝ ժամը 14:00-18:00:

Կազմակերպիչները հոգում են այլ համայնքներից դեպի Ստեփանավան և հետադարձ ուղևորափոխադրումը:

Ֆիլմերի դիտումներն անվճար են, տեղերը՝ սահմանափակ: Յուրաքանչյուր համայնքից մասնակցելու հնարավորություն կստանա 25 մարդ՝ 15 կին, 10 երիտասարդ:

Ընդ որում, մասնակից երիտասարդներից լավագույնները հետագայում հնարավորություն կստանան մասնակցելու «ՄեդիաԴպրոցի»՝ ձեռքբերելով մեդիա տեղեկատվական նյութեր պատրաստելու և բլոգ վարելու հմտություններ՝ մեդիագրագետ սպառողներից դառնալով գրագետ մեդիա արտադրողները:

«ՄեդիաԿինոՍրճարանին» մասնակցելու համար հարկավոր է մինչև դեկտեմբերի 19-ը` ժամը 24:00-ն, գրանցվել այս հղմամբ՝ https://docs.google.com/forms/d/e/1FAIpQLSf4cAOaiS1t4rSHmrir0QB87KtwhDzMtIbaJcXO8o0alw4LMA/viewform?usp=pp_url
Հարցերի դեպքում կարող եք զանգահարել 093405082, 077392814 հեռախոսահամարներով:

«ՄեդիաԿինոՍրճարանը» կազմակերպում է «ԿԱՄՔ» Լոռվա երիտասարդական ծրագրերի կենտրոն» ՀԿ-ն «Գրագետ մեդիա սպառողների եւ մեդիա արտադրողների կինո-դպրոց լոռեցի կանանց եւ երիտասարդների համար» ծրագրի շրջանակում:

«Գրագետ մեդիա սպառողների եւ մեդիա արտադրողների կինո-դպրոց լոռեցի կանանց եւ երիտասարդների համար» ծրագիրն իրականացվում է «Մարդը կարիքի մեջ» ՀԿ-ի «Մեդիագրագիտության բարձրացում՝ քաղաքացիական հասարակության դերակատարների միջոցով» ծրագրի շրջանակում: Այն ֆինանսավորվում է Չեխիայի Հանրապետության արտաքին գործերի նախարարության կողմից՝ Transition Promotion ծրագրի ներքո: